مالی، اقوام متحدہ نا امن دستہ غاتا گاڈی بارودی سرنگ اسے تون ڈوک لگا، فوج انا 3کارندہ تپاخت

بماکو(پاکستان نیوزپوائنٹ25ستمبر2017ء) قطبی مالی ٹی اقوام متحدہ نا امن فوج انا کم از کم 3کارندہ تپاخت کریر۔ اقوام متحدہ نا رداٹ داحادثہ ہمو وخت آ پیش بس ہراتم امن فوج انا کارندہ غاتا گاڈی گاؤ شار انا خڑک اسہ بارودی سرنگ اسے تون ڈوک لگا ہراٹی 3کارندہ تپاخت و 5ٹھپی مسر۔ بنگلہ دیشی فوج پارے کہ تپاخت کروک آتا تعلق اونا فوج آن ئس۔ قطبی مالی ٹی اقوام متحدہ نا امن دستہ و شدت پسند آتا نیام اٹ اکثر جھیڑہ مریک کاہک۔