دوشنبے(پاکستان نیوزپوائنٹ 5جولائی2017ء) پاکستان ء ُ تاجکستان ءَ کشتء ُ کشاری ، وانگء ُ زانگء ُ دودء ُ ربیدگ ءِ پڑآں کمک ءِ نوکیں کشک درگیجگ ءِ ء ُ بیپاریء ُ اُلسی نزیکی ءَ را گیش پراھ ء ُ شاھگان کنگءِ سرءَ تپاک کتگ۔ اے گپ ءِ درشانی مزن وزیر محمد نواز شریفء ُ تاجک مزن وزیر قاہر رسول زادہ ءِ درنیامءَ سٹیٹ گیسٹ ہاؤس ءَ بوتگیں گندء ُ نندءِ تہا کنگ بوتگ۔
مزن وزیر محمد نوا زشریف ءَ گشتگ کہ بیپاریءِ تہا دوھیں ملک 500ملین ڈالر ءِ وتی ہدفءَ زوت حاصل کن اَنت، دوھیں نیمگءَ چہ وتی مصنوعات ءِ گیشی ءِ ھاترءَ نماش کنگءِ ضلورتءِ سرءَ زور پِرداتگ۔ تاجک مزن وزیرءَ ایس سی او ءِ تہا پاکستان ءِ ھواربوھگءِ سرءَ آئیءَ را وش اَتک کتگء ُ اُمیت درشان کتگ کہ اے سرجمیں خطہ ءِ سیکیورٹی ءِ ھاترءَ پاھدگ مند اِنت۔
آئیءَ گشتگ کہ ترء ُ تاب ءِ موھءَ توانائی ء ُ بنکی ڈھانچہ ءِ ھوالگءَ یک جائی کمیشن ءِ جوڈ کنگءِ ھم نشاندہی کتگ۔ دوھیں رہنما آں اے اوست ءِ درشانی کتگ کہ تاں 2018ءَ”کاسا1000“ ءِ سرجمی خطہ ءِ اُلس ءِ ھاترءَ پاھدگ مند بیت۔ مزن وزیر نواز شریف ءَ تاجگ برآمدات ءِ دگہ دنیاءَ سرکنگءِ ھاترءَ پاکستان ءِ دھکہ ء ُ مواصلاتی ڈھانچہ ءِ صلہ جتگ۔ آئی ءَ گشتگ کہ گوادر ء ُ دگہ درنیامی ایشیائی ریاست ء ُ ایشی ءَ چہ دیمءَ تاں دمگاں گیٹ وے ءِ ارزشتءَ داریت۔ دوھیں رہنما ءَ پاکستان ء ُ تاجکستان ءِ درنیامءَ گرابانی بحالی ءِ ضلورت ءَ رامار اِتگ تنکہ اُلسی ء ُ بیپاری نزیکی گیش بہ بیت۔
