انڈونیشی جزیرہ جاواٹی دوشنبے نا سہب زمی جمب نا لوڈو

جکارتہ(پاکستان نیوزپوائنٹ 12جون2017ء) انڈونیشیا نا جاوا جزیرہ ٹی دوشنبے نا سہب زمی جمب نا شدید لوڈو محسوس کننگا۔ چینی خبر رساں ادارہ نا رداٹ انڈونیشیانا نیشنل ڈیزاسٹر اینڈ جیالوجیکل ایجنسی پارے کہ زمی جمب نا لوڈو ہندی وخت انا رداٹ سہب انا 6:15منٹ آ محسوس کننگا۔ ریکٹر اسکیل آ زمی جمب نا شدت 6.3 ریکارڈ کننگا ہرانا بنجا جاوا صوبہ آن 179 کلومیٹر مر دیکی ٹی سوکا بوم شار اٹی 10 کلومیٹر نا کڑمبی ٹی ڈغار نا تہٹی ئس۔ ایجنسی نا رداٹ زمی جمب آن پد افراتفری اس تالان مس زمی جمب نا لوڈو جکارتہ ٹی ہم محسوس کننگا۔ زمی جمب آن دمدستی وڑاٹ ہچ ءُ جانی و مالی نسخان اسے نا احوال رسینگ تنے و سونامی وارننگ جاری کننگانے۔ امریکی جیالوجیکل سروے نا رپورٹ نا رداٹ زمی جمب نا شدت 5.6ریکارڈ کننگا۔