انقرہ(پاکستان نیوزپوائنٹ 16مئ2017ء) ترکی نا صدر رجب طیب اردوان چین اٹی تینا اختہ ہی ءِ پورو کننگ آن پد صدر ڈونلڈ ٹرمپ تون اوڑدہی کن امریکہ نا دورہ غا رادہ مسنے۔ درملکی خبر رساں ادارہ نا رداٹ صدر اردگان چین اٹی ’بیلٹ اینڈ روڈ ‘ فورم نا ناشتہ نا میز آ مروک آ غیر رسمی دیوان اٹی شرکت کرے و اوکان پد سہب انا 9 بجہ ءُ 25منٹ آ خصوصی جہاز انا کمک اٹ بیجنگ آن امریکہ غا رادہ مس ۔
ترک صدر واشنگٹن اٹی صدر ڈونلڈ ٹرمپ تون ہڑتوم آ کنڈآتا و جہانی ڈل اوڑدہی کیک۔ اومیت ءِ کہ ہڑتوم آ کنڈآتا اوڑدہی ٹی علاقائی و جہانی سرحال آتیا ہیت وگپ کننگک۔ دورہ ٹی گمانی بڑزکو کہولی مذاکرات اٹی ہڑتوم آ کنڈآتا تعلقداری تتون اوار اوار فیتو دہشت گرد تنظیم نا سرغنہ فتح اللہ گولن نا واپسی، شام و عراق اٹی مون تروک حالیت و و دہشت گردی نا برخلاف جہد نا بارواٹی خیال آتا درشانی ءِ کننگک۔
