اقوام متحدہ(پاکستان نیوز پوائنٹ 8اپریل2017ء) وادی سوات آن تعلق تخوک آ نوبیل انعام یافتہ ملالہ یوسف زئی ءِ اقوام متحدہ ”امن نا سفیر“ جوڑ کننگ نا فیصلہ کرینے۔ برطانوی نشریاتی ادارہ نا رداٹ اقوام متحدہ نا سیکرٹری جنرل انتونیو گوتیرس پارینے کہ 19 سالہ ملالہ یوسف زئی دوشنبے نا دے آن تینا کاریم ءِ سنبھالک و تینا پوسکن آ کڑد اٹی او مچ آ دنیا ٹی مسن تا تعلیم نا مون آ دننگ اٹی کمک کیک۔
ملالہ یوسف زئی امن نا سفیر نا عہدہ ءِ سنبھالوک آ داوخت اسکان نا غٹ آن کم وئی بندغ ءِ وخت اس کہ امن نا نوبل انعام دوئی کننگ نا معاملہ ٹی ہم او غٹ آن کم وئی ءِ۔ دا زمواری نیویارک اٹی اقوام متحدہ نا ہیڈ کوارٹرزاٹی اڈ تروک اسہ دود اسے ٹی تننگک۔ دود دوشنبے نا دے ٹرسٹی شپ کونسل چیمبر اٹی اڈ ہلیک۔ سیکرٹری جنرل پارے کہ ملالہ یوسف زئی سنگین خلیس آتا نیام اٹ زالبول، مسن و لس انسان تا حق اکن تینا غیر متزلزل عہد آ سلیس۔
