چمن میونسپل کارپوریشن نا تجاوزات آتا برخلاف آپریشن، چندی تجاوزات آتے دڑفنگا

چمن(پاکستان نیوز پوائنٹ 7اپریل2017ء) چمن شار انا تاج روڈ آ میونسپل کارپوریشن نا تجاوزات آتا برخلاف آپریشن ، روڈ آ اڈ تروک تجاوزات آتے دڑفنگا۔ چمن اٹی میونسپل کارپوریشن نا کنڈآن شار انا چندی علاقہ غاتیٹی روڈ آتیا اڈ تروک تجاوزات آتا برخلاف آپریشن کرسا چندی تجاوزات آتے دڑفنگا۔ میونسپل کارپوریشن نا میئر صلاح الدین اچکزئی نا پاننگ ءِ کہ مچ آ شار اٹی اڈ تروک آ تجاوزات آتے چٹفنگ کن مچ آ شار اٹی سخت آپریشن نا بناء کننگانے و ہچ وڑنا رعایت اس کننگپک۔