کابل(پاکستان نیوز پوائنٹ 3اپریل2017ء) اوگانستان ءَ تشدد ءِ وئیلاں ءَ 4انٹیلی جنس ہلکارآں ھوار 68مردم بیران بوتگ اَنت۔ اوگان ھال در ءِ ردءَ حکامءَ ھال داتگ کہ ارزگان ءِ دمگ ترین کوٹ ء ُ کشء ُکرء ُ دمگاں یک ھپتگے ءَ چہ جاری آپریشن ءِ تہا کم چہ کم 54طالبان بیرانء ُ 32ء َ چہ گیش مردم ٹپیگ بوتگ اَنت۔ حکام ءَ گشتگ کہ اے وھدءَ طالبان ءَ را پروش دیئگ بوتگ ء ُ نوں آپریشن گیش کنگ بوھگءَ اِنت۔
غزنی ءَ طالبان ءِ اُرش ءَ 4انٹیلی جنس اہلکاربیران بوتگ اَنت۔ حکام ءَ گشتگ کہ اے اہلکار ضلع اندار ءَ یک اُرشے ءِ وھدءَ بیران بوتگ اَنت۔ شمالی صوبہ تخارءَ یک جھڑپے ءِ تہا کم چہ کم 10طالبان ءِ بیرانی ءِ تصدیق کنگ بوتگ۔ ھندی حکام ءَ ھال داتگ کہ ضلع درقار ءَ سیکیورٹی فورس آں طالبان ءِ ھلاپ ءَ کاروائی کتگ ء ُ اے وھدءَ 10طالبان جنگء ُ کُشگ بو تگ اَنت۔
