شام اکن اقوام متحدہ نا خصوصی ایلچی نا سعودی وزیر خارجہ تون اوڑدہی

عمان(پاکستان نیوز پوائنٹ 28مارچ2017ء) شام اکن اقوام متحدہ نا خصوصی ایلچی اسٹافن ڈی مستورا سعودی عرب نا وزیر خارجہ عادل الجبیر تون اوڑدہی کرینے۔ العربیہ ٹی وی نا رداٹ ڈی مستورا و عادل الجبیر نا اوڑدہی اردن نا دارالحکومت عمان نا دیکی ٹی بحر مردار اٹی عرب سروک کانفرنس آن مست عرب وزراء خارجہ نا دیوان نا وخت آ مس۔ ہڑتوم آ راہشون تا نیام اٹ مروک آ ہیت وگپ اٹی شام انا تنکی نا تازہ انگا حالیت، جنیوا مذاکرات تون اوار ایلو معاملہ غاتیا خیال آتا درشانی ءِ کننگا ، عادل الجبیر ٹویٹر آ تینا اسہ بیان اسے ٹی ہم یو این امن مندوب تون مروک آ اوڑدہی ءِ پک کرے و پارے کہ اوڑدہی ٹی شام انا تنکی و اونا ایسری کن جاری کوشست آتیا ہیت وگپ کننگا۔