یمن اٹی مہاجر آتا کشتی آ جلہونا جاست وپاستءِ کننگے، اقوام متحدہ

اقوام متحدہ(پاکستان نیوز پوائنٹ 21مارچ2017ء) اقوام متحدہ یمن نا دیکی کرک آ پردیسی تا اسہ کشتی اسے آ مروک آ فضائی جلہو نا جاست وپاست کننگ نا خواست کرینے۔ جرمن ذرائع ابلاغ نا رداٹ اقوام متحدہ نا کمشنر مہاجر فلیپو گرانڈی جاست وپاست نا خواست کرسا پارینے کہ 40 آن زیات دُن انگا بے یارومددگار انسان تے نشانہ جوڑ کننگا ہرا مست آن ہی بیدادی و سلہہ بند جھیڑہ غاتا سوب ہجرت آ بیوس ئسر۔ یات سلے کہ گدرینگوک آ ہفتہ پردیسی تا کشتی اسے آ ہیلی کاپٹر نا کمک اٹ کروک آ دا جلہو اٹی 42بندغ تپاخت کریسر۔