کابل(پاکستان نیوز پوائنٹ 24فروری2016ء) اوغانستان اٹی سیکورٹی فورس آتا کارروائی تیٹی 28 عسکریت پسند تپاخت کرینو۔ قندوز اٹی اوغان فوج انا جنگی ہیلی کاپٹر نا ہڑدڑی لینڈنگ اٹی ہیلی کاپٹر ءِ نسخان رسینگا۔ اوغان میڈیا نا رداٹ کمامدارآک پاریر کہ صوبہ قندوز اٹی فضائی و ڈغاری کارروائی تیٹی کم از کم 10 عسکریت پسند تپاخت و چندیک ٹھپی مسنو۔ دا کارروائیک ضلع امام صاحب و قندوز اٹی کننگ انگ ءُ۔
ہندا صوبہ ٹی اوغان فوج انا جنگی ہیلی کاپٹر ہڑدڑی لینڈنگ کرے ولے داٹی ہچ گہس تپاخت و ٹھپی متو۔ داواقعہ دشت آرچی نا علاقہ ٹی پیش بس۔ اوغان کمامدارآک دارداٹ پین احوال آتیان معلومدار کتوس۔صوبہ ننگر ہار اٹی چندی کارروائی تیٹی داعش نا 18 عسکریت پسندتپاخت کریر۔ کمامدارآتارداٹ دا کارروائیک کوٹ و ہسکہ مینہ نا علاقہ ٹی کننگار ہراٹی مستی فضائیہ ءِ کاریم اٹ ہم اتنگا۔
