وزیراعظم محمد نواز شریف نا ترک ہم منصب بن علی یلدرم تون ون آن ون اوڑدہی ٹی ہیت وگپ

وزیراعظم محمد نواز شریف نا ترک ہم منصب بن علی یلدرم تون ون آن ون اوڑدہی ٹی ہیت وگپ

انقرہ(پاکستان نیوز پوائنٹ 23فروری2016ء) وزیراعظم محمدنواز شریف پارینے کہ پاکستان ترکی تون تعلقداری تے قدر انا نگاہ ٹی ہرک و ہڑتوم آ ملک آتا نیام اٹ اقتصادی پارٹنر شپ و سیاسی تعلقداری تے سوگو جوڑ کننگ کن پرعزم ءِ۔ پنچ شنبے آ داخیال آتا درشانی ءِ او ترکی نا تینا ہم منصب بن علی یلدرم تون ون آن ون اوڑدہی ٹی کرے۔ وزیراعظم پارے کہ پاکستان و ترکی نا نیام اٹ واپاری کچ 600 ملین آن کم ءِ ولے آزادانہ واپاری معاہدہ (ایف ٹی اے) نا ہدف آتے زوت آن زوت دوئی کننگ نا بایدے کوشست کننگے۔

اوپارے کہ آزادانہ واپاری معاہدہ آن ہڑتوم آ ملک آتا کیہی بشخ آتے بھلو کچ اسے آ وارخواہی دوبریک و اشیاء، خذمت و زرکاری ٹی ہڑتوم آ ملک آتا واپاری لائخی تیٹی ودکی مریک۔ وزیراعظم پارے کہ ترکی آ بننگ کنکن ہمیشہ خوشی نا سوب مریک۔ ترکی ءِ ای تینا ارٹ میکو اُرا تکیوہ۔ اوپارے کہ پاکستان و ترکی نا اعتقاد، دودوربیدہ و تاریخ آ اسیجائی تعلقداریک پین سوگو و بھلن مریرہ۔ وزیراعظم محمد نواز شریف ہڑتوم آ ملک آتا نیام اٹ بڑزکو سیاسی درشان آتا گرج آ زورشاغا۔