اسلام آباد(پاکستان نیوز پوائنٹ 06جنوری2016ء) وزیراعظم محمد نواز شریف تون بحرین اٹی پاکستان نا سفیر جاوید ملک جمعہ آ وزیراعظم ہاؤس اٹی اوڑدہی کرے۔ وزیراعظم آفس نا کنڈآن ہفتہ آ داڑے جاری بیان نا رداٹ اووزیراعظم ءِ پاکستان و بحرین نا نیام اٹ ہڑتوم آ کنڈآتا تعلقداری تے ودفنگ خاص کر اقتصادی سفارتکاری گام گیج آتا بارواٹی معلومدار کرے ۔ وزیراعظم ہڑتوم آ کنڈآتا رابطہ غاتا سوگوی خاص وڑاٹ اسلام آباد اٹی کنگ حمد یونیورسٹی نا اڈتننگ اٹی جاوید ملک نا کوشست آتا ستاءِ کرے۔
اوڑدہی ٹی پاننگاکہ پاک بحرین اسیجائی وزارتی کمیشن نا اولیکو دیوان اسلام آباد اٹی اڈ ہلیک ہراٹی بحرینی وزیر خارجہ ساڑی مریک۔ بحرین اٹی پاکستان نا سفیر اولیکو پاک بحرین واپاری وارخواہی کانفرنس ءِ ہم تالان کرے ہرا بحرین اٹی سرسہبی اٹ اڈتننگا وخت اس کہ ارٹ میکو کانفرنس مارچ اٹی اسلام آباد اٹی طے کننگ انگ ءِ ہراٹی بحرین نا وزیر واپار نا سروکی ٹی اسہ بھلو کاروبار ی ڈل اس بشخ ہلیک۔ جاوید ملک وزیراعظم ءِ کنگ حمد یونیورسٹی نا اڈتننگ نا بارواٹی معلومدار کرے ہرا بحرین نا شاہ نا کنڈآن ٹیکی اسے نا وڑاٹ تننگانے۔
