بھارت نا قائم مقام ڈپٹی ہائی کمشنر ءِ دفتر خارجہ غا بٹنگسا کنٹرول لین آ بے خار سم کاری نا مذمت ءِ کننگا، ترجمان دفتر خارجہ

بھارت نا قائم مقام ڈپٹی ہائی کمشنر ءِ دفتر خارجہ غا بٹنگسا کنٹرول لین آ بے خار سم کاری نا مذمت ءِ کننگا، ترجمان دفتر خارجہ

اسلام آباد (پاکستان پوائنٹ نیوز یکم جنوری 2019ء) بھارت نا کنڈآن لین آف کنٹرول آ جنگ بندی معاہدہ نا خلاف ورزی آ پاکستان بھارتی قائم مقام ڈپٹی ہائی کمشنر ءِ دفترخارجہ غا بٹنگا و لین آف کنٹرول آ بے خار سم کاری نا ترندی اٹ مذمت ءِ کرینے۔ سے شنبے نادے آ ترجمان دفتر خارجہ نا کنڈآن جاری بیان نا رداٹ ڈائریکٹر جنرل (جنوبی ایشیا و سارک) ڈاکٹر محمد فیصل بھارتی قائم مقام ڈپٹی ہائی کمشنر ءِ دفتر خارجہ غا بٹنگا و داواقعہ نا مذمت ءِ کرے ۔

بھارت 31 دسمبر 2018 آ کواٹھمقام آ لین آف کنٹرول آ جنگ بندی معاہدہ نا خلاف ورزی ءِ کرسا بلااشتعال سم کاری ٹی آسیہ بی بی شہید مس وخت اس کہ 3 چناو 2زالبول تون اوار 7 شارہی ٹھپی مسر۔ بھارتی فوج لین آف کنٹرول و ورکنگ باؤنڈری آ سویلین آبادی ءِ بھلو سلہہ سے ٹی پدریسہ نشانہ کننگ ءِ۔ 2018 ء ٹی بھارتی فوج جنگ بندی معاہدہ نا 3250 وار خلاف ورزی ءِ کرے ہراڑان 36شاری شہید وخت اس کہ 142ٹھپی مسر۔ 2017 ٹی بھارتی فوج 1970 وار جنگ بندی معاہدہ نا خلاف ورزی ءِ کریسس۔