راولپنڈی (پاکستان پوائنٹ نیوز۔26 جولائی۔2016) چیف آف آرمی اسٹاف جنرل راحیل شریف قاہرہ ٹی مصر انا صدر عبدالفتاح السیسی تون اوڑدہی کرے۔ اوڑدہی ٹی اوعلاقائی سلامتی نا حالیت و مون آ بروک آ چیلنج آتیا درشانِ خیال کریر۔ آئی ایس پی آر نا ڈی جی لیفٹیننٹ جنرل عاصم سلیم باجوہ نا ٹویٹ نا رداٹ اوڑدہی نا وخت آ مصر انا صدر عبدالفتاح السیسی علاقائی سلامتی و دہشت گردی نا برخلاف پاک فوج انا کوشست آتا ستاءِ کرے۔
آرمی چیف مسلم امہ غا زورشاغا کہ او دہشت گردی نا چٹفنگ کن اسٹ مرسا تینا کڑدءِ ادا کیر۔ داکان مست آرمی چیف جنرل راحیل شیرف جامعہ الاز ہریونیورسٹی نا سروک شیخ الازہر تون اوڑدہی کرے۔ او دہشت گردی نا برخلاف پاکستان نا کوشست آتا ستاءِ کرے۔ آرمی چیف جنرل راحیل شریف مسلم ورناتیا زورشاغا کہ اوفتے روشن خیالی، تکنیکی شون، جدت و ہم آہنگی نا بابت آن تینا توانائی تے کاریم اٹ ہتنگ نا گرج ءِ۔ آرمی چیف مصر انا سپیشل فورسز آتا تربیتی بنجاء ناہم دورہ ءِ کرے و تربیتی بنجاء ٹی تروک آ تربیت آ است جمی نا درشانی ءِ کرے۔
