بنجائی وزیر اطلاعات ، نشریات وقومی میراث سینیٹر پرویز رشید نا کراچی ٹی سیکورٹی کارندہ غاتیا دہشت گردجلہو نا ترندی اٹ مذمت

اسلام آباد(پاکستان پوائنٹ نیوز۔26 جولائی۔2016) بنجائی وزیر اطلاعات ، نشریات وقومی میراث سینیٹر پرویز رشید کراچی ٹی سیکورٹی کارندہ غاتیا دہشت گرد جلہو نا ترندی اٹ مذمت ءِ کرینے۔ تینا اسہ بیان اسے ٹی اوپارے کہ دہشت گردی نا دننگا لغوری ناواقعہ غاک انتہاء پسند و شرپسند آتا برخلاف جنگ اٹی ننا عزم ءِ نزور کننگ کپسہ۔ اوپارے کہ ننا دلیر فوجی دہشت گرد و اوفتا بھلا نیٹ ورک آتا چٹفنگ کن تینا جان تے ندر کننگ ءُ ہرانا بروک آ وخت ءِ رکھ جوڑ کننگ کن اینو نا قربانی ءِ تننگ ءُ، دہشت گردی نا برخلاف جنگ و امن نا اڈتننگ کن اوفتا قربانیک گم مفسہ۔ اوشہید آتا خاہوت آتون ڈکھ و افسوز نا درشانی ءِ کرے۔