وزیراعظم محمد نواز شریف نا کراچی ٹی فوجی کارندہ غاتیا دہشت گردی نا جلہو نا ترندی اٹ مذمت

اسلام آباد(پاکستان پوائنٹ نیوز۔26 جولائی۔2016) وزیراعظم محمد نواز شریف کراچی ٹی فوجی کارندہ غاتیا دہشت گردی نا جلہو نا ترندی اٹ مذمت ءِ کرسا داعزم انا درشانی ءِ کرینے کہ دہشت گرد عنصر آتیان شار ءِ پاک کننگ کن کراچی آپریشن ءِ پٹڑی آن شیف دڑفنگ کن ہلنگ پننگک۔ سے شنبے آ وزیراعظم آفس نا کنڈآن جاری بیان نا رداٹ وزیراعظم وزارت داخلہ و حکومت سندھ ءِ پارت کرے کہ او دہشت گرد آتا پد رند ءِ خلے۔ اوپارے کہ نن کراچی ٹی امن نا بحالی کن دہشت گرد آتے جاری آپریشن ءِ پٹڑی آن شیف دڑفنگ نا موکل تفنہ۔ وزیراعظم شہید کارندہ غاتا درجہ غاتا بڑزی و خاہوت آتے کن صبر وجمیل نا دعا کرے ۔