کوئٹہ(پاکستان نیوز پوائنٹ 02جنوری2016ء) ڈپٹی میئر کوئٹہ محمد یونس بلوچ پارینے کہ کوئٹہ شار انا زیبائی کن مسلم لیگی باسک صوبائی اسمبلی چل ءُ پنچ لکھ روپئی فراوان کرے وخت اس کہ میٹروپولیٹن تقریباََ لکھ روپئی نا خڑچ آن شار اٹی لائٹنگ نا بست و بند کرینے تانکہ کوئٹہ شار انا زیبائی ءِ دُوارہ بحال کننگے۔ داخیال آتا درشانی ءِ او دوشنبے آ”اے پی پی“ تون ہیت وگپ کرسا کرے۔
ڈپٹی میئر کوئٹہ محمد یونس بلوچ پارے کہ کوئٹہ شار انازیبائی کن مسلم لیگ (ن) نا باسک صوبائی اسمبلی طاہر محمود اسہ ہزار ایل ای ڈی لائٹ فراوان کرینے۔ اسہ لیٹ انا قیمت چارہزار پنچ سد روپئی ءِ تانکہ کوئٹہ شار انا زیبائی ءِ بحال کننگ مرے۔ ہنداوڑ زرغون روڈ آ میٹروپولیٹن نا کنڈآن 10لکھ روپئی آن زیات زر آن درخت آتیٹی لائٹنگ کننگانے تانکہ نن نا وخت آتیٹی کوئٹہ شار زیباخننگے، اسہ سوج اسے نا ورندی ٹی ڈپٹی میئر کوئٹہ محمد یونس بلوچ پارے کہ میٹروپولیٹن نا ملازم آتا تنخواہ تے کن زرجاری کننگانے ولے ایلو بجٹ ءِ میٹروپولیٹن کارپوریشن ہی منظور کیک۔
اوپارے کہ ساڑی صوبائی حکومت و میٹروپولیٹن کوئٹہ شار انا زیبائی و صفائی کن گام گیج کننگ ءِ تانکہ کوئٹہ شار نئے بیرہ زیبابلکن صاف ستھرا شار اس نظر برے داڑکن پین ہم شار انا زیبائی کن پین لیٹ خلنگک۔
