اسلام آباد(پاکستان پوائنٹ نیوز۔25 جولائی۔2016) جمعیت علماء اسلام ( ف) ءِ راھشون سینیٹر حافظ حمد اللہ ءَ گشتگ انتکہ سندھ ءَ یک سائیں ءِ روگ ءُُ دومی ءِ آھگ ءَ ھچ پرک نہ کپیت۔ عمران خان پارلیمنٹ ءُُ دومی آئینی ادارگ ءِ پیسلہ ءَ نہ منیت آ اما وتی پیسلہ ءَ منیت۔ دو شمبے ءَ پارلیمنٹ گِس ءِ دیما میڈیا ءِ گوں گپء ُُ تران کنگ ءَ آئی ءَ گشتگ کہ سندھ ءَ سر وزیر قائد علی شاہ ءِ بدلی ءَ ھچ پرک نہ کپیت۔
یک شاہ ءَ بدل کنگ ءَ دومی شاہ ءَ آرگ ءَ انت۔ قائم علی شاہ دراجیں عمر چوشکہ مراد علی شاہ ورنا انت آئی ءَ ابید ھچ بدلی گندگ نہ بیت۔ آئی ءَ گشتگ کہ سروزیر ءِ بدلی ءَ ھچ پرک نہ کپیت۔ اے گڑا وھد ءَ چہ بیت۔ دوئیں پی پی پی ءِ ءُُ ریموٹ کنٹرول انت۔ یک جستءِ پسو ءَ آئی ءَ عمران خان ءِ گچینکاری کمیشن ءِ باسک ءِ چناؤ ءِ ھوالہ اعتراض ءِ ھوالہ ءَ گشتگ کہ تاں مرچی عمران خانءَ پارلیمنٹ ءُُ دومی آئینی ادارگ ءِ پیسلہ نہ منتگ۔ عمران خان آ پیسلہ منیت کہ آ وت کنت۔
