کوئٹہ25(پاکستان پوائنٹ نیوز۔25 جولائی۔2016) سر وزیر بلوچستان نواب ثناء اللہ خان زہری ءَ گشتگ کہ انت کہ گوادر انڈسٹریل زون ءَ چین ءِ تائی جن انڈسٹریل زون ءِ وڑ ءَ دیمروی بہ دئیت تنکہ دمگ ءَ صنعت کاری ءِ کار ءَ دیمروی بہ رسیت، چوشکہ گوادر انڈسٹریل اسٹیٹ وتی دائرہ کار ءَ آؤکیں ضلع تربت ءُُ پنجگور ءَ ہم صنعتی دیمروی ءِ ھاترءَ گام گیج بہ کن انت۔
مارا پاک چین اقتصادی راہداری منصوبہ ءِ شکل ءَ بلوچستان ءُُ اُلس ءِ دیمروی ءُُ وشحالی ءِ کجام شریں موہ رستگ انت ایشی ءَ سرجمیں پائدگ زورگ بیت۔ اے گپ آئی ءَ گوادر انڈسٹریل اسٹیٹ ءِ باروا چار ءُُ تپاسی دیوان ءَ تران کنگ ءَ کرتگ۔ دیوان ءَ سینئر باسک بورآف ریونیو قمر مسعود، سیکرٹری خزانہ اکبر حسین درانی، سیکرٹری صنعت ءُُ وپاری نور محمد جوگیزئی، ڈپٹی کمشنر گوادر طفیل بلوچ ءُُ دومی حکام ءَ ہم بہر زرتگ۔
چوشکہ سیکرٹری صنعت ءُُ وپاری نور محمد جوگیزئی ءِ نیمگءَ دیوان ءَ بریفنگ دئیگ ءَ گشت انتکہ جیڈا ءَ 2009ءَ اتھارٹی ءِ درجہ دات انت، سے ہزار ایکڑ ڈگار ءِ سرا انڈسٹریل اسٹیٹ ءَ کسان، نیامی صنعت ءُُ واپاری مکسد ءِ ھاتر ءَ 2269پلاٹ انت۔ تنے وھدے 419.5ملین کلدار انڈسٹریل اسٹیٹ ءَ بنیاتی ڈھانچہ ءِ دئیگ ءِ منصوبہ آنی سرا ھرچ ءِ سرا ھرچ کرتگ انت۔
دیوان ءَ گشتگ انتکہ اسٹیٹ ءِ باندات ءِ ضلورت آھاںءَ آپ ، توان ءُُ گیس ھوار انت ءَ پورا کنگ ءِ ھاتر ءَ ایل این جی ٹرمین، گوات، روچ ءُُ کوئلہ ءَ توان پیداک ءُُ آپ ساپ کنگ ءِ پلانٹس جنئگ ءِ منصوبہ تیار کرتگ انت آھاں پی سی ونءُُ فیز بلٹی رپورٹ گوادرءِ ماسٹر پل ءَ ھوار کنگءِ ھاتر ءَ بنجاہی حکومت ءَ دیم داتگ انت۔ ایشی ءِ گوں ھواری ءَ انڈسٹریل اسٹیٹ ءَ دِگہ 500ایکڑ ڈگار دراجی ءِ منصوبہ ہم منظوری ءِ ھاتر ءَ پلاننگ کمیشن ءَ دیم داتگ انت آئیءِ لاگت ءِ تخمینہ 1668ملین کلدار انت۔
اے موہ ءَ سر وزیر ءَ گشتگ کہ آ زوت گوادر انڈسٹریل اسٹیٹ ءِ ترءُُ تاب کنگ ءَ درستیں ہمگرنچ ءُُ مسئلہ آنی چار ءُُ تپاس گیت تنکہ آئی ءَ دیر پا بنیاتی مسئلہ آنی ھل کنگ ءَ گوادر ءَ صنعت کاری ءِ بندات ءِ بنیات ایر کرت بہ کنت۔ اے موہ ءَ سر وزیر ءَ گوادر انڈسٹریل استیٹ ءَ صنعتی ءُُ واپاری پلاٹ آنی الاٹمنٹ ءِ سرا جتگیں پابندی دور کنگءِ پسیلہ کنگ ءِ پنت ءُُ شون کرتگ کہ اے پلانٹ آنی بہا ءِ کار ءَ ساپءُُ پلگار جوڑ کنگءِ ھاتر ءَ آھانی لس نیلامی بہ کن ات چوشکہ ڈی سیلینیشن پلانٹ ءِ ذریعہ ءَ ہم اسٹیٹ ءِ ضلورت ءِ ردا آپ دئیگ ءَ یقینی جوڑ بہ ک۔
سر وزیر ءَ جیڈا ءِ انتظامیہ ءِ نیمگ ءَ انڈسٹریل اسٹیٹ ءِ دراجی ءِ ھاتر ءَ دِگہ ڈگار دئیگ ءِ تجویز ءَ تپاک کنگ ءَ بورڈ آف ریونیو ءُُ ڈپٹی کمشنر گوادرءَ اے ھوالہ ءَ گام گیج ءِ چارءُُ تپاس گرگ ءِ پنتءُُ شونکرتگ چوشکہ اائی ءَ اے ہم پنت ءُُ شون کرتگ کہ جیڈا ءَ یک وت واجہ ءُُ وت انحصار ادارگ ءِ پڑءَ دیمروی دئیگ ءَ حکومتءِ انحصار کم ءَ چہ کم بہ کن ات ءُُ ادارگ ءَ رستگیںآ مدنی ءَ انڈسٹریل اسٹیٹ ءِ دیمروی، بنیاتی ڈھانچہ دئیگ ءُُ دراجیں منصوبہ ءِ سرا عمل بہ کن ات۔
اے پڑ ءَ صوبائی حکومت ہم کمک کنت۔ پدا ہم ادارگءَ وتی پاد آنی سرا وت اوشتگ بیت سی پیک ءِ پڑ ءَ جیڈا ءِ ارزشت ءُُ ذمہ واری ءَ دِگہ زیات بیت انت آھاں پورا کنگ ءِ ھاتر ءَ سکیں بنیات آنی سرا منصوبہ بندی کنگ ءِ ضلورت انت۔
