اسلام آباد (پاکستان پوائنٹ نیوز۔25 جولائی۔2016) بنجاہی وزیر برائے منصوبہ بندی ءُُ دیمروی احسن اقبال ءَ گشتگ انت کہ گوادر ایئرپورٹ ءُُ ایکسپریس وے ءِ افتتاح رواں سال بیت۔ کل آں چہ دیما اقتصادی زون گوادر ءَ جوڑ بیت، چین پاکستان اقتصادی راہداری یک سڑک ءِ نام نہ بلکں پورا فریم ورک انت، 20می کرن ءَ سیاسی نظریات ءِ جنگ ات چوشکہ 21می کرن اقتصای نظریات ءِ جنگ انت، اے ھیال آنی درشانی آئی ءَ دو شمبے ءَ گوادر پریس کلب ءِ ٹولہ ءِ گوں گند ءُُ نندءِ وھد ءَ کرتگ۔
بنجاہی وزیر ءَ گشتگ کہ دسمبر 2016ءَ گوادر ءَ پورا پاکستان ءَ لنک کنگ ءِ ھاتر ءَ سے راہ ھست بیت۔ آئی ءَ گشتگ کہ سی پیک ءِ کل آن چہ زیات پائدگ گوادرءُُ بلوچستان ءَ بیت۔ بنجاہی وزیر ءَ گشتگ کہ گوادر ءَ بنیاتی ڈھانچہ ءَ ابید ووکیشنل ءُُ ٹیکنیکل ادارگ ہم جوڑ کنگ بیت۔ احسن اقبال ءَ گشتگ کہ اے سال ستمبر ءَ گوادر یونیورسٹی جوڑ کنگ بیت، گوادر شہر ءَ الما جہد بندرگاہ نہ جوڑ کنگءَ انت بلکں ایشی ءَ چاگردی ءُُ اقتصادی ترندی ءِ جاہ ہم جوڑ کنگ بیت۔
سی پیک پاکستان ءُُ چینءِ سروکی ءَ وژن ءِ ملاپ انت۔ آئی ءَ گشتگ کہ سی پیک ءِ ردا 46ارب ڈالر ءَ تاں 35ارب ڈالر توانائی ء، شعبہ ءَ انوسٹ کنگ ءَ انت۔ توانائی ءَ چہ زیات بہر سندھ ءُُ بلوچستان ءَ جنئگ ءَ انت۔ احسن اقبال ءَ گشتگ کہ سی پیک ءَ چہ خطہ ءِ سے ارب مہلوک ءَ پائدگ بہ رسیت۔ یک جستءِ سرا آئی ءَ گشتگ کہ اورنج ٹرین لائن منصوبہ حکومت پنجاب وتی بجٹ ءَ جوڑ کنگ ءَ انت۔ آئیءَ دِگہ گشتگ کہ سی پیک منصوبہ ءِ سرا پورا دگنیا ءِ نظر سک انت ءُُ گوست ءَ پاکستان ءَ بازیں موہ ضائع کرتگ انت۔
