اسلام آباد(پاکستان پوائنٹ نیوز۔25 جولائی۔2016) مزن وزیر محمد نواز شریف ءَ گشتگ انت کہ ماں کابل ءَ بوؤکیں نا شرکاری اُرش ءِ اپسوزناک وھیل ءِ سرا وگانستان ءِ شانہ بشانہ اوشتاتگ انت۔ پاکستان ناشر کاری ءِ ھلاپ جنگ ءَ اوگانستان ءِ گوں وتی کمک برجاہ دارگ ءِ ھاتر ءَ پر ازم انت۔ مزن وزیر ءَ اوگان صدر اشرف غنی ءَ ٹیلیفون کرتگ ءُُ گشتگ کہ پاکستان ءِ حکومتءُُ اُلس 23جولائی ءَ کابل ءَ بوؤکیں ان شرکاری اُرش ءِ اپسوزناک وھیل ءِ سرا اوگانستان ءِ گوں شانہ بشانہ اوشتاتگ انت دو شمبے ءَ مزن وزیر کار گِس ءَ برجاہ کرتگیں بیان ءِ ردا نا شرکار آنی بہیمانہ کارروائی ءُُ انسانی جان آنی بے رحمانہ قتل ءُُ کُش ءِ سک زار شانی کنگ ءَ مزن وزیر ءَ اے اُرش ءَ بیران بوؤک آنی وارث آں گوں سک ہمدردی ءِ درشانی کرتگ ءُُ ٹپی آں زوت جان سلامتی ءِ ھاتر ءَ دعا کرتگ۔
نا شرکار آں دوئیں ملک ءِ ھواریں دژمن گشگ ءَ مزن وزیرءَ گشتگ کہ پاکستان ناشرکاری ءِ ھلاپ جنگ ءَ اوگانستان ءِ گوں وتی کمک برجاہ دارگ ءِ ھاتر ءَ پر ازم انت۔ اوگان صدر اشرف غنی ءَ اے مشکل موہ ءَ اوگان حکومت ءُُ اُلس ءِ گوں یکجہتی ءِ درشانی کنگ ءَ مزن وزیر نواز شریف ءِ شکر ءَ گپتگ۔ اوگان صدر ءَ گشتگ کہ دوئیں ملک آں نا شرکار آنی مسلسل اُرش ءِ دیمپانی انت۔ آئی ءَ برات ملک ءِ جہت ءَ اوگانستان ءِ اُلس ءِ ھاتر ءَ ڈکھ ءُُ اپسوزے ءِ درشانی ءَ سہڑائینتگ۔ اوگان صدر ءَ یقین داتگ کہ نا شرکاری ءِ ھلاپ جنگ ءَ ماں یکجا انت۔
