خانپور(پاکستان پوائنٹ نیوز۔25 جولائی۔2016) خان پور دے علاقہ ظاہر پیردے تھانڑاں اچ ہک سال دے بال دے خلاف غیر قانونی طور پٹرول ویچنڑ دا مقدمہ درج تھیے۔اے غیر معمولی واقعہ خان پور دی کچہری اچ ڈیکھنڑ کوں ملیا جڈاں ظاہر پیر دا رہنڑ آلا مزمل حسین آپنڑے چار سال دے پتر محمد شہزاد کوں بانہیں اچ چاتے ہوئے ضمانے سانگے عدالت پج گئیا۔ تفصیلات دے مطا بق ڈسٹرکٹ آفیسر سول ڈیفنس رحیم یار خان سید علی رضا ولوں ڈتی گئی تحریری درخواست تے ایں چار سال دے بال تے غیر قانی طور پٹرول ویچنڑ دا مقدمہ درج کیتا گئے ۔
رابطہ کرنڑ تے سول ڈیفنس آفیسر سید علی رضا ڈسایا جو اساں جڈاں پٹرول ایجنسی تے چھاپہ ماریا تاں اوں ویلھے ساکوں جیڑھا ناں ڈسایا گئیا اوں ناں تحریر کر تے مقدمہ درج کیتا گئے ،ساکوں پتہ کائنی جو اے چار سال دی عمر دا بال اے جڈانجو پتہ لگنڑ تے مقدمہ اچ درستگی سانگے تحریری طور پولیس کوں لکھ ڈتا گئے ۔
