اسلام آباد(پاکستان نیوز پوائنٹ 25نومبر2016ء) بنجائی وزیر انسانی حق کامران مائیکل پارینے کہ زالبول نا رکھ اکن کیہی کانود جوڑ کننگانے، دا کانود آتیا عملدرآمد ءِ باوری جوڑ کننگک۔ جمعہ آ ایوان بالا نا دیوان اٹی وقفہ سوج آتا وخت اعظم سواتی و ایلو باسک آتا سوج آتا ورندی ٹی اوپارے کہ زالبول ءِ بااختیار جوڑ کننگ نا معاملہ آن حکومت لاپرواہ اف۔
تعلقدار کانود آ سختی اٹ عملدرآمد کننگک۔ اوپارے کہ زالبول نا رکھ اکن غیرت نا پن آ خون و بیدادی کون آ ڈوہ تا توننگ کن ہم گچین کانودسازی کننگانے۔ اوپارے کہ زالبول نا برخلاف غٹ تعصب آتا چٹفنگ نا کنونشن آ عملدرآمد وژن 2025ء و زالبول نا حیثیت آن بابت قومی کمیشن نا اڈتننگ کون آ کیہی گام گیج آتے کننگانے۔ ایکشن پلان انسانی حق انا رداٹ وزارت انسانی حق انسانی انا تعلیم و شعور تالان کننگ کن اسہ مہم اسے نا ہم بناءِ کرینے۔