اسلام آباد(پاکستان نیوز پوائنٹ 25نومبر2016ء) وزیر مملکت مذہبی امور پیر امین الحسنات پارینے کہ بین المسالک و بین المذاہب ہم آہنگی نا مون آ دننگ کن قومی علماء مشائخ کونسل اڈتننگانے، دینی مدرسہ غاتا نصاب اٹی ساڑی خارانگیز مواد آتا چٹفنگ کن ہم نصاب کمیٹی نا اڈتننگ ءِ عمل اٹ اتنگانے۔ جمعہ آ ایوان بالا نا دیوان اٹی وقفہ سوج آتا وخت آ سینیٹر طاہر حسین مشہدی و ایلو باسک آتا سوج آتا ورندی ٹی او پارے کہ حکومتی کہول آ کیہی مذہب آتا تہوار ہم اڈتننگ انگ ءِ رتانکہ بین المذاہب ہم آہنگی ءِ مون آ دننگے۔
علماء مشائخ کونسل اٹی غٹ بنجاء، غٹ مکاتب فکر و صوبہ غاتا نمائندگی ساڑی ءِ۔ مدرسہ غاتا نصاب آن خار انگیز مواد آتے اسہ پلو کننگ کن ہم کاریم مننگ ءِ۔ اوپارے کہ قومی علماء مشائخ کونسل نا کنڈآن سٹیئرنگ و نصاب نا کمیٹی اس ہم اڈتننگانے و دا کمیٹیک سلاہ تسنو کہ قومی کہول آ علماء بورڈ اس اڈتننگے۔
