اسلام آباد(پاکستان نیوز پوائنٹ 25نومبر2016ء) بنجائی وزیر پارلیمانی امور شیخ آفتاب احمد پارینے کہ بھارہ کہوہاؤسنگ آ کاریم زوت بناء کیک۔ جمعہ آ ایوان بالا نا دیوان اٹی وقفہ سوج آتا وخت سینیٹر طاہر حسین مشہدی و ایلو باسک آتا سوج آتا ورندی ٹی اوپارے کہ بھارہ کہو ہاؤسنگ اسکیم نا بنائی خڑچ انا تخمینہ پنچ ارب83کروڑ روپئی ئس، بھارہ کہوہاؤسنگ پروجیکٹ 2009 ء ٹی بناء کریسس و کیہی سوب آتا بناء آ اوٹی ہرے مس۔
اوپارے کہ میسرزگرین ٹری ءِ ادائیگی نا معاملہ نیب انا کمک آن ایسر مسنے و ہاؤسنگ فاؤنڈیشن گرین ٹری ءِ نیب انا کمک اٹ 68کروڑ روپئی نا ادائیگی کرینے تانکہ کاریم نا بناء مرے ۔ نیب انا نیام تمنگ آن گرین ٹری تون ڈغار نا شون اکن ہم دستخط کننگانے۔ اومیت کننگک کہ اسکیم آ کاریم زوت بناء کننگک و اوٹی پین ہرے مفک۔
