لاہور(پاکستان نیوز پوائنٹ 16نومبر2016ء) بنجائی وزیر پٹرولیم و قدرتی وسیلہ شاہد خاقان عباسی چارشنبے نا دے داڑے پی ایس او نا ڈیفنس سروس اسٹیشن کیولری گراؤنڈ اٹی پاکستان اسٹیٹ آئل نا پٹرولیم مصنوعات آتا پوسکن آ رینج نا افتتاح ءِ کرے۔ یات سلے کہ پوسکن آ پٹرولیم مصنوعات آلٹران پریمیئم و آلٹران ایکس ہائی پرفارمنس مست آن لاہور تون اوار مچ آ ملک اٹی پی ایس او نا اسٹیشن تیا بہا مننگ کن دستیاب ءِ م، ملک انا صف اول نا آئل مارکیٹنگ کمپنی نا حیثیت آن پی ایس او حکومت و وزارت پٹرولیم و قدرتی وسیلہ نا ملک اٹی اولیکو وار بڑزکو معیار نا”ریسرچ آکٹین نمبر “ پٹرولیم مصنوعات درستی راستی کرفنگ نا عزم ایسری اسکان سرکننگ اٹی کلیدی کڑد ادا کرینے۔
دود اٹی پی ایس او نا منیجنگ ڈائریکٹر شیخ عمران الحق و وزارت پٹرولیم و قدرتی وسیلہ تون اوار پی ایس او نا ایلو بڑزکو عہدیدار آک ہم ساڑی ئسر۔ بنجائی وزیر پٹرولیم و قدرتی وسیلہ شاہد خاقان عباسی پارے کہ او حکومت پاکستان و وزارت پٹرولیم و قدرتی وسیلہ نا پاکستان اٹی بڑزکو معیار نا ایندھن درستی راستی کرفنگ نا عزم انا پوروی ٹی پبی کمکاری فراوان کننگ آ پاکستان اسٹیٹ آئل نا کوشست آتا ستاءِ کینہ۔
اوپارے کہ دا اسہ تاریخی ءُ گام اسے ہراڑآن نہ صرف لس صارف فائدہ ہرفنگ کیک بلکن ملکی معیشت ءِ ہم بھاز فائدہ رسینگک۔ اوپارے کہ ملک اٹی داسہ بروک آ کھیپ پوسکن آ پٹرول نا بریک۔ پوسکن آ پٹرول آن نہ صرف گاڈی تا انجن بلکن سپیڈ اٹی ہم گچینی بریک۔ پوسکن آ پٹرول جتا رنگ آتیٹی دوئی مریک تانکہ اوٹی ملاوٹ نا عنصر اوار مننگ کپ ۔ اسہ سوج اسے نا ورندی ٹی بنجائی وزیر پارے کہ تیرمہ ٹی صنعت آتے گیس انا فراوانی ءِ باوری جوڑ کننگک تانکہ صنعت آک تینا پورو کچ اتون زیات پیداوار ءِ ممکن جوڑ کننگ کیر۔
