اسلام آباد(پاکستان پوائنٹ نیوز۔20 جولائی۔2016) وزیراعظم محمد نواز شریف لندن اٹی ہارٹ سرجری کرفنگ و لاہور اٹی اڈکننگ آن گڈ (اینو) پنچ شنبے آ پدی اسلام آباد آ سرمریک۔ داہیت ءِ وزیراعظم ہاؤس نا کنڈآن پاننگا۔ یات سلے کہ وزیراعظم نواز شریف نا لند ن اٹی 31مئی آ سرسہب اوپن ہارٹ سرجری مسوسس ہرانا پنچ دے گڈاودے ہسپتال آن ڈسچارج کننگا و او 9جولائی آ لاہور آ سرمسوسس۔
وزیراعظم نا مسڑ مریم نواز شریف نا اسہ ٹویٹ نا رداٹ لاہور اٹی اڈکننگ نا وخت وزیراعظم نا نت اٹی گڑاس انفکیشن ودی مس و اونا درمان ءِ کننگا۔ یات سلے کہ لندن نا ہسپتال اٹی داخل مننگ آن مست وزیراعظم پاکستان ہائی کمیشن آن ویڈیو لنگ نا کمک اٹ بنجائی کابینہ نا دیوان نا کماشی ءِ کریسس۔ وزیراعظم ہاؤس نا ترجمان پارے کہ وزیراعظم 21جولائی آ پدی اسلام آباد رسینگک۔
