باغ (پاکستان پوائنٹ نیوز۔20 جولائی۔2016) وزیراعظم محمد نواز شریف نا خواست آ مقبوضہ کشمیر اٹی بھارتی ظلم و بیدادی نا برخلاف باغ اٹی یوم سیاہ اڈتننگا۔ یوم سیاہ نا چرجوئی ٹی پریس کلب باغ انا دنگ اٹی برانزی مچی کننگا ہرانا سروکی ءِ مسکوہی باسک کانود ساز اسمبلی و مسلم لیگ (ن) نا بنجائی کسرشون سردار میر اکبر خان ایڈووکیٹ کریر۔ سیاسی مچی آن پریس کلب باغ انا مسکوہی صدر طاہر احمد عباسی ، انجمن تاجران نا سرپرست خان قادر خان و ایلوک تران کریر۔
داوخت آ تران کرسا ترانکار آک پارینو کہ کشمیر اٹی برہان وانی شہید نا خون انا برخلاف برانز کروک آک پرامن شاری تیا ظلم و بیدادی ، جہانی برادری نا مون آ چپانٹ اسے ہرانا اخس کہ مذمت ءِ کننگے کم ءِ ۔ جہانی برادری اقوام متحدہ نا قرارداد آتا رداٹ کشمیر نا ویل انا ایسری کن تینا کڑدءِ ادا کیر و مقبوضہ کشمیر آن مون انگا کانود و بھارتی ظلم و بیدادی ءِ ختم کرفیر۔
