اسلام آباد(پاکستان پوائنٹ نیوز۔20 جولائی۔2016) صدر مملکت ممنون حسین پارینے کہ حکومت بلوچستان ءِ ملک انا ایلو علاقہ غاتا بریبر ہتنگ کن پرعزم ءِ و صوبہ نا الس نا زند انا آب ءِ بڑز کننگ کن شونداری کاریم تیا توجوہ تخانے۔ اوداہیت ءِ اسپیکر بلوچستان اسمبلی راحیلہ حمید خان درانی تون ہیت وگپ کرسا پارے ہراچارشنبے آ ایوان صدر اٹی اوڑتون اوڑدہی کرے۔
صوبہ ٹی امن نا گچین حالیت آتیا است جمی نا درشانی ءِ کرسا صدر مملکت پارے کہ گوادر بندرگاہ نا فعال مننگ و پاک چین اقتصادی راہداری نا پوروی آن بلوچستان اٹی شون و شونہالی نا پوسکن ءُ کسرملنگرہ۔ اوپارے کہ بلوچستان اٹی کاروباری و واپاری سرجزآتا بحالی آن روزگار نا وارخواہیک ودی مریرہ و صوبہ شون نا کسر آ روان مریک۔ صدر صوبہ ٹی جمہوری روایت آتا پین سوگوی ٹی اسپیکر بلوچستان اسمبلی نا حیثیت آن گودی راحیلہ حمید خان درانی نا کڑدانا ستاءِ کرے۔
