اسلام آباد(پاکستان نیوز پوائنٹ 9نومبر2016ء) فاٹا سیکرٹریٹ خیبر ایجنسی نا آپریشن ضرب عضب اٹی زہمی مروک آ اُراتے معاوضہ غاتا ادائیگی کن اسہ ارب 29کروڑ 44لکھ روپئی پولیٹیکل ایجنٹ خیبر ایجنسی ءِ جاری کرینے۔ چارشنبے آ تعلیم و بحالی نا پروگرام منیجر حماد خان اے پی پی ءِ پارے کہ آپریشن ضرب عضب اٹی زہمی مروک آ خیبر ایجنسی نا بے اُرا بندغ آتا ہند آتا نسخان نا اندازہ ءِ خلنگ کن سروے ٹیمک سروے کننگ ءُ وخت اس کہ داوخت اسکان خیبر ایجنسی نا 3782اُراتا سروے کننگانے ہراٹی 2872ہند پورو بھس گوندنگانو وخت اس کہ 910ہند آتے جزوی گوندنگانے۔
اوپارے کہ آپریشن ضرب عضب اٹی دہشت گرد آتا برخلاف جاری آپریشن اٹی زہمی مروک آ اُراتا سروے جاری ءِ ولے فاٹا سیکرٹریٹ نا فنانس ڈیپارٹمنٹ خیبر ایجنسی نا بے اُرا بندغ ہرافتا ہند آتے آپریشن ضرب عضب نا وخت نسخان رسینگاسس اوفتے معاوضہ غاتا حوالہ کننگ کن اسہ ارب 29کروڑ 44لکھ روپئی خیبر ایجنسی نا پولیٹیکل ایجنٹ نا اکاؤنٹ اٹی ٹرانسفر کرینے۔
اوپارے کہ بے اُرا بندغ آتے معاوضہ غاتا ادائیگی نا چرجوئی جاری ءِ ولے خیبر ایجنسی نا بے اُرا بندغ آتے ہند آتا دُوارہ جوڑ جاڑ کن زوت معاوضہ تننگک۔ اوپارے کہ آپریشن ضرب عضب اٹی فاٹا نا ایلو زہمی علاقہ غاتا سروے کننگ انگ ءِ وخت اس کہ معاوضہ غاتا ادائیگی نا چرجوئی ہم مرحلہ وارجاری ءِ۔ آپریشن آن زہمی مروک آ اُراتا دُوارہ جوڑ جاڑ نا کیہی علاقہ غاتیٹی بنامسنے۔
