اسلام آباد(پاکستان نیوز پوائنٹ 9نومبر2016ء) پاکستان اوغانستان جوائنٹ چیمبر آف کامرس اینڈ انڈسٹری (پی اے جے سی سی آئی ) نا صدر زبیر موتی والا پارینے کہ سیم پار سوگو اقتصادی رابطہ غاتے کن کاروبار ءِ سیاست ءِ جتا تخنگ نا گرج ءِ، پی اے جے سی سی آئی پاک اوغان تین پہ تینی کمک و اقتصادی رابطہ غاتا سوگوی و ودکی نا خواہش مند ءِ۔ داڑے اسہ بیان اسے ٹی اوپارے کہ چیمبر نا کنڈآن دابابت کیہی گام گیج کننگ انگ ءِ اوپارے کہ پی اے جے سی سی آئی نہ صرف پاک اوغان ہڑتوم آ کنڈآتا کمکاری بلکن ڈیہہ نا ایلو ملک آتون اقتصادی رابطہ غاتا مون آ دننگ کن ہم کاریم کننگ ءِ۔
اوپارے کہ کاروبار ءِ سیاست آن اسہ پلو تخوئی مرے انتئے کہ کیہی ملک آتا پوریاگرو کاروباری برادری تینا واپاری رابطہ غاتا سوگوی و مون آدننگ نا خواہش مند ءُ۔
