ہرکس کہ صدر جوڑ مرے، پاک امریکہ تعلقداریک برجاء سلرہ، سیدہ عابدہ حسین روس، چین ، بیلاروس، تاجکستان و ایلو ملک آتون گچین تعلقداری قائم کننگ نا گرج ءِ، سینیٹر لیفٹیننٹ جنرل (ر) عبدالقیوم

اسلام آباد(پاکستان نیوز پوائنٹ 9نومبر2016ء) مسکوہی سفیر سیدہ عابدہ حسین پارینے کہ امریکی صدارتی گچین کاری تیٹی ہراکہ اومیت دار سرسہب مرے پاک امریکہ تعلقداریک برجاسلرہ۔ ریڈیو پاکستان تون ہیت وگپ نا وخت آ پاک امریکہ تعلقداری نا بابت چست کروک آ سوج انا ورندیءِ ترسا پارے کہ پوسکن آ صدر نا گچینی آن ہڑتوم آ ملک آتا تعلقداری تیا ہچ ءُ زئم اس تمپک۔

اوپارے کہ امریکہ نا بھارت تون اقتصادی ، معاشی و دفاعی مفادات وابستہ ءِ و او پاکستان ءِ ثانوی حیثیت ایتک داوخت آ پاکستان مسلم لیگ (ن) نا سینیٹر لیفٹیننٹ جنرل (ر) عبدالقیوم پارے کہ امریکہ ءِ ہراتم پاکستان نا گرج مریک تو تعلقداری تے گچین جوڑ کیک و ہراتم اودے گرج مفک تو نظرانداز کیک۔ اوپارے کہ پاکستان ءِ امریکہ آن زیات اومیت تخوئی مف ولے یورپ و امریکہ تون ڈپلومیسی آن کاریم ہلسا روس، چین ، بیلاروس، تاجکستان و ایلو ملک آتون گچین تعلقداری قائم کننگ نا گرج ءِ۔