اسلام آباد(پاکستان نیوز پوائنٹ 7نومبر2016ء) بنجائی وزیر شون و ڈٹ بندی پروفیسر احسن اقبال پارینے کہ گوادر آن کوئٹہ روڈ جاڑ جاڑ کننگانے وخت اس کہ ڈیرہ اسماعیل خان آن برہاں اسکان روڈ انا جوڑ جاڑ آ کاریم ترندی اٹ جاری ءِ۔ ریڈیو پاکستان تون ہیت وگپ کرسا اوپارے کہ پاک چین اقتصادی راہداری آ کاریم ترندی اٹ جاری ءِ و دا ڈٹ انا پوروی آن پاکستان تون اوار ڈیہہ نا تقدیر بدلینگک۔
بنجائی وزیر پارے کہ گوادر پورٹ آن گڑاتے کوئٹہ آگدریفنگ کن داکان مست ہچ ءُ ڈغارنا کسر اس ہلو ، ساڑی آ حکومت گوادر آن کوئٹہ اسکان شش ءُ نیم سد کلو میٹر روڈ انا جوڑ جاڑ نا کاریم نا بناءِ کرے ہرادے تخوک آ مداٹ اِرا تو مست پورو کننگانے، داروڈ انا جوڑ جاڑ آن گڈ گوادر پورٹ آن گڑاک ٹرک آتا کمک اٹ کوئٹہ، اوغانستان و نیامی ایشیائی ملک آتسکان گدریفنگاکہ۔
اوپارے کہ کوئٹہ آن پشاور و پشاور آن ڈیرہ اسماعیل اسکان 4سد کلومیٹر سریس روڈ انا جوڑ جاڑ نا کاریم نا بنا کننگانے۔ پاکستان اٹی ساڑی آ سیاسی حالیت آتا بابت چست کروک آ سوج انا ورندی ءِ ترسا اوپارے کہ پاکستان اٹی 2013ء آن شون و شونہالی نا کسک ملنگانو ملکی معیشت اٹی گچینی بننگ ءِ، الس باشعور مسنے، او خوارہ کہ حکومت آئینی مد ءِ پورو کے، الس دھرنہ و برانز نا سیاست ءِ مسترد کرینے۔ اوپارے کہ الس گچین کاری تا وخت آ کارکڑد ءِ ہرسا تینا وونٹ انا کمک اٹ حکومت نا گچینی ءِ کیک۔
