وزیراعظم نا سلاہکار خارجہ امور سرتاج عزیز تون نیپالی سفیر نا اوڑدہی

وزیراعظم نا سلاہکار خارجہ امور سرتاج عزیز تون نیپالی سفیر نا اوڑدہی

اسلام آباد(پاکستان نیوز پوائنٹ 7نومبر2016ء) وزیراعظم نا سلاہکار خارجہ امور سرتاج عزیز تون پاکستان اٹی نیپال نا سفیر سیوالمسال ادھیکری دوشنبے آ داڑے اوڑدہی کرے و ہڑتوم آ کنڈآتا تعلقداری تتون اوار اوار علاقائی حالیت آتیا ہم درشان خیال کریر۔ داوخت آ وزیراعظم نا سلاہکار پارے کہ پاکستان نیپال تون تینا تعلقداری تے بھاز اہمیت ایتک۔ ہڑتوم آ ملک آتا خوشگوار تعلقداری علاقائی و بین الاقوامی کہول آ خڑکی کمکاری ءِ پاش کیرہ۔

اواومیت ظاہر کرے کہ پوسکنا سفیر نا اڈ کننگ نا مد انا وخت برادر ملک آتا نیام اٹ مست آن ساڑی تعلقداریک پین سوگو مریرہ ۔ سرتاج عزیز داوخت آ مقبوضہ جموں و کشمیر اٹی بھارتی بیدادی آن ہم معلومدار کرے۔ داوخت آ نیپال نا سفیر ہڑتوم آ ملک آتا نیام اٹ تعلقداری تا ودوکی آ است جمی نا درشانی ءِ کرے و اومیت ظاہر کرے کہ اوٹی پین ترندی بریک۔ اوکوئٹہ ٹی دہشت گردی نا ساڑی آ جلہو نا وخت قیمتی جان تا زیان آ ہڑزخواہی نا ہم درشانی ءِ کرے۔ سرتاج عزیز برادر نیپال نا الس کن امن و شونہالی کن نیک است خواہی نا درشانی ءِ کرے۔