عمران خان پاناما کیس انا بابت الس ومیڈیا ٹی ہم عدالت خلکونے، طارق فضل چوہدری

اسلام آباد(پاکستان نیوز پوائنٹ 7نومبر2016ء) پاکستان مسلم لیگ (ن) نا راہشون طارق فضل چوہدری پارینے کہ حسن نواز شریف، حسین نواز شریف و مریم نواز شریف نا کنڈآن عدالت عظمیٰ ٹی ورندی تے جمع کرفنگانے۔ دوشنبے آ اسلام آباد اٹی سپریم کورٹ نا پیشن میڈیا تون ہیت و گپ کرسا اوپارے کہ ہردوبہ غا اسہ وخت اٹی اسہ ہی عدالت اٹی کیس کننگک وخت اس کہ عمران خان پاناما کیس انا بابت عدالت عظمیٰ ٹی ہم ارے و برانز و دھرنہ غاتا دروشم اٹی الس و میڈیا ٹی عدالت اس جوڑ کرینے۔ طارق فضل چوہدری پارے کہ نن پاکستان نا غٹ آن بھلا عدالت اٹی سلوک اُن نن تون شاہدی ارے ہرافتے عدالت عظمیٰ ٹی پیش کننگک۔ پاکستان تحریک انصاف نا کنڈآن خلوک آ دوبہ غاک مسترد مریرہ و وزیراعظم محمد نواز شریف سرسہب مریک۔