نواز شریف آن السی عدالت اٹ باتروک آک داسہ عدالت عظمیٰ ٹی بسنو، دا جنگ پاکستان نا شون سوگوی نا جنگ ءِ ، طلال چوہدری

نواز شریف آن السی عدالت اٹ باتروک آک داسہ عدالت عظمیٰ ٹی بسنو، دا جنگ پاکستان نا شون سوگوی نا جنگ ءِ ، طلال چوہدری

اسلام آباد(پاکستان نیوز پوائنٹ 7نومبر2016ء) مسلم لیگ (ن) نا راہشون و قومی اسمبلی نا باسک طلال چوہدری پارینے کہ نواز شریف آن السی عدالت اٹ باتروک آک داسہ عدالت عظمیٰ ٹی بسنو، دا جنگ پاکستان نا شون و سوگوی نا جنگ ءِ، نن شاہدی و سچائی نا بنداو آ کٹنہ۔ سپریم کورٹ نا پیشن میڈیا تون ہیت و گپ کرسا او مخالفین وزیراعظم محمد نواز شریف نا احتساب آخا بلکن انتقام خوانہ و نواز شریف آن زیات اونا چناتا سیاسی شعور آن خائف ءِ۔

اوپارے کہ عمران خان نا کنڈآن داکان مست دھاندلی نا دوبہ خلنگا ہراٹی اودے بے سہبی مس۔ السی عدالت اٹی مقابلہ کپروک دوبہ غاتا سیاست کننگ ءِ ہرا نواز شریف تون خائف ءِ، شکست کنوک عنصر آک ہندن ءُ ہیت کیرہ ہرافتا حقیقت تون ہچ ءُ تعلق اس اف۔ اونامستی پاننگ ئس کہ عمران خان وزیراعظم آ آف شور کمپنی تا دوبہ غاتے خلنگ ءِ وخت اس کہ عمران خان نا تینا آف شور کمپنیک ءُ۔ طلال چوہدری پارے کہ ننا برخلاف ہر دے موقف بدلیفوک آ ک دروغ نا دوبہ خلنگ ءُ۔ وزیراعظم محمد نواز شریف مست ہم سرسہب مس و داسہ ہم سرسہب مریک۔