اسلام آباد(پاکستان نیوز پوائنٹ 2 نومبر2016ء) وزیراعظم نا سلاہکار قومی تاریخ و ادبی میراث عرفان صدیقی پاکستان براڈ کاسٹرز ایسوسی ایشن (پی بی اے) نا پوسکن گچین مروک چیئرمین میاں عامر محمود، سینئر وائس چیئرمین دُرید قریشی، وائس چیئرمین میر ابراہیم رحمان، سیکرٹری جنرل شکیل مسعود حسین و ایلو پوسکن گچین مروک آ عہدیدار آتے مبارکبادی تسنے۔
عرفان صدیقی اسہ بیان اسے ٹی پارے کہ پی بی اے الیکٹرانک میڈیا کن ضابطہ اخلاق نا تیاری ٹی بے کچ مثبت و جوڑ جاڑی کڑد ادا کریر۔ اوفتا کمک نا سوب حکومت اسہ ہندن ءُ ضابطہ اخلاق اس جوڑ کننگ اٹی سرسہب مس ہرا غٹ تعلقدار حلقہ غاتا پورو امنائی نا نمونہ اسے۔ عرفان صدیقی اومیت ظاہر کرے کہ پی بی اے نا پوسکن گچین مروک آ سروک آک ضابطہ اخلاق آ پورو عملدرآمد و میڈیا نا کڑد ءِ قومی و ملکی گرج آتا رداٹ شاغنگ کن اہم کڑد ادا کرور۔
