وزیراعظم گڈانی شپ یارڈ نا واقعہ نا جاست وپاست کن بنجائی وزیر رانا تنویر حسین نا سروکی ٹی کمیٹی اس جوڑ کرے

اسلام آباد(پاکستان نیوز پوائنٹ 2 نومبر2016ء) وزیراعظم محمد نواز شریف گڈانی شپ یارڈ نا واقعہ نا جاست وپاست کن وزیر دفاعی پیداوار رانا تنویر حسین نا سروکی ٹی اسہ کمیٹی اس جوڑ کرینے۔ وزیراعظم محمد نواز شریف دا سانحہ ءِ بے کچ افسوزناک گوندسا اونا سوب آتا تعین کن دمدستی انکوائری نا حکم تس۔ کمیٹی نا ایلو باسک آتیٹی کابینہ سیکرٹری، سیکرٹری پورٹس اینڈ شپنگ و ایڈیشنل سیکرٹری وزارت دفاعی پیداوار اوارو۔