گڈانی بحری جہاز نا حادثہ ٹی تپاخت کروک آ بندغ آتا کچ 17مس

کراچی(پاکستان نیوز پوائنٹ 2 نومبر2016ء) گڈانی شپ یارڈ بریکنگ یارڈ اٹی تباہ شدہ جہازآن پین 6لاش کشنگانے ہراڑآن حادثہ ٹی جمی وڑاٹ تپاخت کروک آبندغ آتاکچ 17مسنے۔ ریسکیو آپریشن چارشنبے آ ہم برجاء سلیس۔ ایدھی ریسکیو اے پی پی ءِ پارے کہ افسوزناک واقعہ ٹی داوخت اسکان 17بندغ تپاخت کرینو، 15بندغ نا لاش تے ایدھی سرد خانہ غا اتنگانے ہرافتے آن 12نا میت آک اوفتا وارث آتا حوالہ کننگانو۔ اوپارے کہ 3بندغ نا میت آک داسکان سردخانہ ٹی تخوک ءُ و ایدھی ریسکیو نا 50آن زیات گاڈیک آپریشن اٹی بشخ ہلنگ ءُ۔ یات سلے سے شنبے آ گڈانی نا علاقہ ٹی واقع شپ بریکنگ یارڈ اٹی مزور آک اسہ متکنو بحری جہاز اسے آ کاریم کریرہ داوخت آ اناگت حادثاتی وڑاٹ خاخر لگاسس۔