عمرا ن خان نا سرکڑدہ ہی ٹی ملک جہانی دنگ اٹی اوار مننگ ءِ، پاکستان آ دنیا نا پت اٹی ترندی اٹ ودکی مننگ ءِ، بنجائی وزیر امور کشمیر و گلگت بلتستان علی امین خان گنڈاپور

اسلام آباد (پاکستان پوائنٹ نیوز20دسمبر 2018ء) بنجائی وزیر امور کشمیر و گلگت بلتستان علی امین خان گنڈاپور پارینے کہ پاکستان عمران خان نا سرکڑدہ ہی ٹی جہانی دنگ اٹی اوار مننگ ءِ و پاکستان آ دُنیا نا پت اٹی ترندی اٹ ودکی مننگ ءِ۔ پنچ شنبے نادے آ تینا اسہ بیان اسے ٹی اوپارے کہ منہ وخت مست پاکستان جہانی کہول آ تنیائی نا گواچی مسوسس ہرانا بنداوی سوب پاکستان اٹی پت انا قابل و صاف و شفاف سیاسی سرکڑدہ نا کمتی ئس۔ اوپارے کہ مون نا حکومت آک پاکستان نا خزانہ ءِ تینا جندی فائدہ کن کاریم اٹ ایسور و ہندن ءُ بے سود ڈٹ خلکر ہرافتیان اوفتے زیات آن زیات جندی فائدہ رسینگاکہ۔ اوپارے کہ داسہ ملک اٹی شفاف سرکڑدہ نا سوب جہانی برادری نا پاکستان آ پت زیات مننگ ءِ۔