ریاض (پاکستان پوائنٹ نیوز20دسمبر 2018ء) چیئرمین سینیٹ محمد صادق سنجرانی پارلیمانی ڈل اتون اوار شاہ سلیمان امدادی و شرحالی بنجانا دورہ ءِ کرے۔ کے ایس ریلیف نا سروک ڈاکٹر عبداللہ الرابیح ڈل ءِ بخیر کرے و تنظیم نا کارکڑدگی و اونا غرض ومسخت آتیا احوال تس۔ اوپارے کہ دا ادارہ نا بنداوی مسخت مچ آدنیا ٹی بڑزکو سعودی روایت آتا عین رداٹ انسانیت نا بچفنگ کن امدادی کارروائی کننگ نا ءِ۔
ڈل ءِ کے ایس ریلیف نا مچ آ دنیا ٹی جاری امدادی سرجزخاص وڑاٹ یمن، شام ، میانمار و عراق اٹی انسانی ہمدردی نا بنداو آکروک آ گام گیج آتیان معلومدار کرے۔ ڈل ءِ مستی پارے کہ یمن اٹی کے ایس ریلیف داوخت اسکان کم و ود اِراارب ڈالر نا امدادی کارروائی کرینے۔ چیئرمین سینیٹ سعودی انسانی ہمدردی نا جوزہ نا ستاءِ کرے۔ داوخت آ اوسعودی عرب نا کنڈآن پاکستان ءِ 2005ء نا زمی جمب آن پد تروک آ امداد ءِ ستاکڑزوک گوندسا پارے کہ دا سعودی عرب نا انسانی ہمدردی نا سفا ءُ شاہدی اس ئس۔
