وزارت انسانی حق انا ہیلپ لین ءِ جنوری آن نومبر اسکان 220118 کال بس، 17624غاو تروک آتا دادرسی ءِ کننگا

اسلام آباد (پاکستان پوائنٹ نیوز20دسمبر 2018ء) وزارت انسانی حق انا ہیلپ لین ءِ اینخو نا سال جنوری آن ہلیس 30 نومبر اسکان 220118 کال بس و داکال آک زہمی تا کنڈآن مفت کانودی مشورہ نا دوئی و انسانی حق انا خلاف ورزی تا تلافی نا چرجوئی ٹی کننگار۔ پنچ شنبے نادے وزارت انسانی حق انا ذرائع پارے کہ کل 17624 غاو تروک آتا دادرسی ءِ کننگا ہرافتے ٹی 5887غاو تروک آتے مفت کانودی امداد تننگا۔ اوپارے کہ 10304 غاوتے دمدستی وڑاٹ تعلقدار محکمہ غاتا حوالہ کننگا وخت اس کہ 362 کیس آتا سرجم جاچ ءِ ہلنگا و دا کیس آتے ایلو ادارہ غاتے گدریفنگا۔ اوپارے کہ 1071بندغ تینا غاو تے ای میل، فیکس و جندی وڑاٹ وزارت اٹی برسا درج کرفیر۔ یات سلے کہ دا ہیلپ لین اسہ پروجیکٹ اسے نا رداٹ مئی 2015ء ٹی جوڑ کننگاسس۔