سی پیک نا رداٹ 19 ارب ڈالر مالیت نا 10 ڈٹ پورو، 12ڈٹ پوروی نا مرحلہ غاتے ٹی ءُ، ڈٹ آتیان پاکستان اٹی روزگار نا پوسکن ءُ وارخواہی ودی مس، سی پیک سیکرٹریٹ

سی پیک نا رداٹ 19 ارب ڈالر مالیت نا 10 ڈٹ پورو، 12ڈٹ پوروی نا مرحلہ غاتے ٹی ءُ، ڈٹ آتیان پاکستان اٹی روزگار نا پوسکن ءُ وارخواہی ودی مس، سی پیک سیکرٹریٹ

اسلام آباد (پاکستان پوائنٹ نیوز20دسمبر 2018ء) چین پاکستان اقتصادی راہداری ڈٹ انا رداٹ 19 ارب ڈالر مالیت نا 10 ڈٹ پورو کننگانو وخت اس کہ 12 ڈٹ پوروی نا آخیریکو مرحلہ غاتے ٹی ءُ ، دا ڈٹ آتیان پاکستان اٹی روزگار نا پوسکن ءُ وارخواہی ودی مسنے۔ سی پیک سیکرٹریٹ کمامدارآتارداٹ راولپنڈی آن خنجراب اسکان آپٹیکل فائبر کیبل نا ڈٹ ءِ ہم پورو کننگانے۔

سی پیک آن پاکستان اٹی 2030 ء اسکان روزگار نا 7 لکھ آن زیات پوسکن ءُ وارخواہی ودی مریک ہراڑآن نیزگاری نا کچ اٹی کمتی و بے روزگاری نا چٹفنگ اٹ کمک رسینگک۔ سی پیک نا پوروی آن پاکستان اٹی شونہالی نا پوسکن ءُ درگہ ملنگک۔ ڈٹ انا برخلاف مروک آ ہر چمب ءِ سرسہب مننگ کن ہلیپنہ۔ کمامدارآتارداٹ سی پیک ڈٹ الس نا زند انا آب ءِ گچین کننگ اٹ گیم چینجر ڈٹ اس جوڑ مریک، شون ہلوک ملک اس مننگ نا ناطہ پاکستان سی پیک ڈٹ آتے کن بیرہ ہندی وسیلہ غاتیا بھروسہ کننگ کپک، ڈٹ آن چندی ڈیہہ تا نیام اٹ رابطہ سازی گچین مریک وخت اس کہ پاکستان اٹی انفراسٹرکچر نا گچینی ممکن مننگ کیک۔

ساڑی آ سال تے ٹی بلٹ اینڈ روڈ انا رداٹ چندی ڈٹ آتے ٹی سرسہبی اتون کاریم ءِ پورو کننگا۔ سی پیک آن پد پاکستان معیشت آ چاہندارآتا گہری ءُ نظر اسے۔ پاکستانی معیشت ءِ وسیلہ غاتا گرج ءِ و داوسیلہ غاک پاکستانی معیشت ءِ دومننگ ءُ۔