اسلام آباد(پاکستان نیوز پوائنٹ 23ستمبر 2016ء) قومی احتساب بیورو نا چیئرمین قمر زمان چوہدری سارک ملک آتا انسداد بدعنوانی نا علاقائی فورم اس جوڑ کننگ نا سلاہ تسنے ہراڑآ غور کننگ کن قومی احتساب بیورو 25ستمبر آن 27ستمبر اسکان اسلام آباد اٹی سارک نا باسک ملک آتا اولیکو انسداد بدعنوانی سیمینار ءِ اڈتننگ ءِ۔ قومی احتساب بیورو داسیمینار نا میزبانی ءِ کیک۔
پاکستان کن دا بھلو اعزاز نا ہیت اسے کہ سارک نا باسک ملک آتا نیام اٹ انسداد بدعنوانی کن اسیجائی کوشست آتا بناء پاکستان نا ادارہ قومی احتساب بیورو نا چیئرمین قمر زمان چوہدری نا سلاہ آ مننگ ءِ۔ پوسکنا انسداد بدعنوانی نا علاقائی فورم نا اڈتننگ کن قومی احتساب بیورو دفترخارجہ نا کمک اٹ سارک سیکرٹریٹ نا کمک اٹ سارک ملک آتا دا سلاہ ءِ گدریفیسس ہموکان مثبت ورندی ملنگ آن پد اسلام آباد اٹی 25ستمبر آن 27ستمبر اسکان ءِ سارک انسداد بدعنوانی سیمینار اڈ ہلنگ ءِ۔
سارک نا انسداد بدعنوانی نا علاقائی فورم نا سیکرٹریٹ نا اڈتننگ نا چرجوئی ہم پاکستان پیش کش کرینے کہ اونا سیکرٹریٹ پاکستان نا دارالحکومت اسلام آباد اٹی جوڑ کننگے داسلاہ غاہم غور کننگک۔ سارک ملک آتیان بیدس سارک انا سیکرٹری جنرل ارجن بہادرتھاپا ہم سارک سیمینار اٹی شرکت کیک۔ قومی احتساب بیورو سارک نا انسداد بدعنوانی سیمینار نا تیاری تے کن خصوصی کمیٹی اس اڈتسنے۔
ہراپاکستان اٹی سارک ملک آتا اولیکو انسداد بدعنوانی نا سیمینار نا بست و بند آتے گڈیکو دروشم تسنے۔ اومیت ءِ کہ سارک ملک اک چیئرمین نیب قمر زمان چوہدری نا سارک انٹی کرپشن فورم نا سلاہ ءِ منظور کیرہ۔ یات سلے کہ پاکستان نا قومی احتساب آرڈیننس 1999 گچین کانود نا مجموعہ ءِ ہراٹی بدعنوانی نا چٹفنگ کن غٹ پلو آتا احاطہ کننگانے۔ پاکستان نا قومی احتساب آرڈیننس ءِ ایلو ملک آک ہم تینا کننگ ءُ ہنداسوب ءِ ٹرانسپرنسی انٹرنیشنل نا 2014ء نا رپورٹ اٹی پاکستان کرپشن پرسیشن انڈیکس (CPI)ٹی 175آن 126اسکان شیف بس وخت اس کہ 2015ء ٹی پاکستان کرپشن پرسیشن انڈیکس 126(CPI)آن 117اسکان بسنے۔
پاکستان سارک ملک آتیٹی اسٹ انگا ملک ءِ ہرا مسکوہی 20سال اٹی اسہ ریکارڈ سرسہبی اس دوئی کرینے دا سرسہبی قومی احتساب بیورو نا چیئرمین نا سرسہب انسداد بدعنوانی نا حکمت عملی نا بدولت ممکن مس۔
