سندھ انا کیہی شارتیٹی 4.9شدت نا زمی جمب، اسہ بندغ اس تپاخت، مسہ نیاڑی ٹھپی

اسلام آباد(پاکستان نیوز پوائنٹ 23ستمبر 2016ء) حیدرآباد تون اوار سندھ انا کیہی شارتیٹی 4.9شدت نا زمی جمب نا نتیجہ ٹی اسہ بندغ اس تپاخت و مسہ نیاڑی ٹھپی مسر۔ نجی ٹیلی ویژن نا رداٹ تدوک آ نن حیدرآباد تون اوار سندھ انا کیہی شارنواب شاہ، لطیف آباد، مٹیاری ، ہالہ ، سعید آباد اٹی زمی جمب نا سوب خوف و بھیم اس تالان مس ، مخلوق آک کلمہ ءِ کشسا تینا اُراتیان پیشن پیش تمار۔ ریکٹر اسکیل آ زمی جمب نا شدت 4اعشاریہ 9 ریکارڈ کننگا۔ چھاچھرو ٹی اُراسے نا چھت اسے نا تمنگ آن اسہ بندغ اس تپاخت و مسہ نیاڑی ٹھپی مسر۔ زمی جمب پیما مرکز نا رداٹ زمی جمب نا بنجا نواب شاہ آن 60 کلو میٹر مر قطب دے ٹک اٹی ڈغار اٹی 20کلومیٹر نا تہہ ٹی ئسک۔