وزیراعظم نا کنڈآن جنرل اسمبلی ٹی کشمیری تیا بھارتی بیدادی ءِ بے پڑدہ، کشمیری تا مقدمہ ءِ گچین وڑاٹ پیش کننگ بے کچ خوش آئند ءِ، بیرسٹر محمد علی سیف

اسلام آباد(پاکستان نیوز پوائنٹ 23ستمبر 2016ء) ایم کیو ایم نا سینیٹر بیرسٹر محمد علی سیف جنرل اسمبلی ٹی وزیراعظم نا کنڈآن کشمیری تیا بھارتی بیدادی ءِ بے پڑدہ کننگ و کشمیری تا مقدمہ ءِ گچین وڑاٹ پیش کننگ ءِ بے کچ خوش آئند گام اس گوندانے۔ جمعہ آ پارلیمنٹ ہاؤس اٹی اے پی پی تون خصوصی ہیت وگپ کرسا اوپارے کہ کشمیری تیا بھارتی بیدادی بے کچ افسوزناک و قابل مذمت ءِ واہم اوپارے کہ اقوام متحدہ نا جنرل اسمبلی ٹی وزیراعظم نواز شریف کشمیر نا ہرامقدمہ ءِ پیش کرینے او بے کچ گچین ءِ ولے اونا دیرپا زئم آتے برقرار تخنگ کن المی مریک اقوام متحدہ تون اوار دنیا نا ہر فورم آ اونا فالو اپ کن گچین خارجہ پالیسی اس اختیار کروئی مریک تانکہ دا ویل زندہ سلے و کشمیری تے اوفتا حق خودارادیت ترفنگ مرے۔