اسلام آباد(پاکستان نیوز پوائنٹ 23ستمبر 2016ء) آپریشن ضرب عضب آن زہمی مروک آ سویلی وزیرستان نا بے اُرا بندغ آتے ٹی اُراتا جوڑ جاڑ کن اسہ ارب 90 کروڑ 77لکھ روپئی بشخ وپانٹ کننگانے۔ فاٹا ڈیزاسٹر اتھارٹی نا کمامدارآک اے پی پی ءِ پاریر کہ آپریشن ضرب عضب اٹی زہمی مروک اُراتا دُوارہ جوڑ جاڑ کن معاوضہ جات نا فراوانی نا چرجوئی برجاءِ ۔ سویلی وزیرستان نا 5ہزار 6سد بھس مروک آ ہند آتا دُوارہ جوڑ جاڑ کن حکومت نا کنڈآن معاوضہ جات کن اسہ ارب 90 کروڑ 77لکھ روپئی بشخ وپانٹ کننگانے۔
کمامدار آتارداٹ آرآر یو نا سروے ٹیمک آپریشن آن زہمی مروک آ غٹ علاقہ جات آتا سروے ءِ کننگ ءُ ہراٹی سیکورٹی فورسز پولیٹیکل ایجنٹ ، تحصیلدار ، انجینئرو اسہ اسکول ٹیچر اس بشخ ہلنگ ءِ ہرا علاقائی کہول آ سروے کرسا تینا رپورٹ ءِ ری کنسٹرکشن وپوسکن جوڑ جاڑ نا محکمہ آر آر یو ءِ تننگ ءِ۔ کمامدارآتارداٹ ہند آتا دُوارہ جوڑ جاڑ کن حکومت چار لکھ پورو بھس مروک آ اُراتے کن وخت اس کہ اسہ لکھ شست ہزار جزوی وڑاٹ زہمی مروک آ ہند آتے کن معاوضہ جتا کرینے۔ کمامدارآک پاریر کہ آپریشن آن زہمی مروک آ اسہ ہند اس ہم معاوضہ نا ادائیگی آن بیدس سلپک۔
