اسلام آباد (پاکستان نیوز پوائنٹ 29اگست 2016ء) بلوچستان و خیبر پختونخوا نا 13ضلع غاتیٹی انسداد پولیو مہم نا بناء کننگانے۔ نجی ٹیلی ویژن صوبائی محکمہ جان جوڑی نا بابت خبر ترسا پارینے کہ پشاور، نوشہرہ ، مردان، چار سدہ، صوابی، کوہاٹ، ہنگو، کرک، بنوں، لکی مروت ، ڈی آئی خان و ٹانک نا ضلع غاتیٹی 3دے ئی انسداد پولیو مہم نا بناء کننگانے ہرانا وخت آ 36لکھ چناتے پولیو آن بچفنگ نا پڑی کنفنگک ، رپورٹ نا رداٹ آئی ڈی پیز و اوغان مہاجر آتا کیمپ اٹی ہم ویکسین کنفنگک ہراڑکن سیکورٹی نا سخت بست و بند کننگانے۔
مہم کن 16 ہزار آن زیات پولیو ورکرز آتیا تالان 8 ہزار مسہ سد ٹیم تشکیل تننگانے وخت اس کہ داٹیم تے مانیٹر کننگ کن اِرا ہزار سپروائزر ءِ ہم تعینات کننگانے۔ ارٹ میکو پلو صوبہ بلوچستان اٹی کوئٹہ، پشین ، ژوب ، زیارت ، قلعہ عبداللہ، قلعہ سیف اللہ ، لورالائی، ڈیرہ بگٹی ، نصیر آباد، موسیٰ خیال ، خضدار ، لسبیلہ، جھل مگسی و شیرانی ٹی انسداد پولیو مہم نا رداٹ 15لکھ آن زیات چناتے پولیو آن بچفنگ نا پڑی کنفنگ انگ ءِ و دا چرجوئی ٹی سیکورٹی نا ہم سخت بست و بند کننگانے۔
