آزاد کشمیر اٹی جیپ اسے نا تمنگ آن اَرے و زائیفہ تون اوار 4 بندغ تپاخت کریر و 6 ٹھپی مسر

اسلام آباد (پاکستان نیوز پوائنٹ 29اگست 2016ء) آزاد کشمیر نا علاقہ ٹی جیپ اسے نا تمنگ نا نتیجہ ٹی 4 بندغ تپاخت و 6ٹھپی مسنو۔ نجی ٹیلی ویژن نا رداٹ آزاد کشمیر نا علاقہ چہلیانہ نا نواحی خلق جبڑی ٹی ترند رفتار جیپ اس موڑءِ کاٹسا تما، ہرانا نتیجہ ٹی 4 بندغ موقع غا تپاخت کریر وخت اس کہ 6ٹھپی مسر۔ پولیس نا رداٹ تپاخت کروک آتیٹی اَرے زائیفہ ، چنا و ٹھپی مروک آتیٹی مسہ نیاڑی اوارو۔ تپاخت کروک آ بندغ آتا لاش و ٹھپی تے سول ہسپتال بھمبر آ گدریفنگانے۔ غٹ بندغ آتا تعلق اسہ ہی خاہوت اسے آن پاننگانے۔