اسلام آباد(پاکستان نیوزپوائنٹ12اکتوبر2017ء) الیکشن کمیشن توہین عدالت کیس اٹی تحریک انصاف نا چیئرمین عمران خان ناناقابل ضمانت وارنٹ دزگیری جاری کرینے۔ الیکشن کمیشن اٹی پنچ شنبے نادے تحریک انصاف نا بانی باسک اکبر ایس بابر نا عمران خان نا برخلاف توہین عدالت کیس انا سماعت مس۔ دیوان اٹی چیئرمین پی ٹی آئی ءِ جاری کروک شوکاز نوٹس آ گونڈ ءُ فیصلہ اس بنفسا اونا ناقابل ضمانت وارنٹ دزگیری ءِ جاری کننگانے۔
الیکشن کمیشن تینا فیصلہ ٹی عمران خان ءِ 26اکتوبر آ دزگیر کرسا پیش کننگ نا پرمان تسنے۔ تحریک انصاف وارنٹ دزگیری ءِ غیر آئینی گوندسا اودے اسلام آبا د ہائی کورٹ اٹی چیلنج کننگ نا پڑو کرینے۔ تحریک انصاف نا سروک عمران خان نا وکیل ڈاکٹر بابر اعوان پارینے کہ الیکشن کمیشن بیرہ اسہ پارٹی و اسہ سیاسی راہشون عمران خان ءِ نشانہ جوڑ کننگ ءِ۔
